Umangat ang tiyansa ni Senatorial Candidate Rodante Marcoleta sa darating na halalan ­matapos siyang pumwesto sa ikaapat na ranggo sa pinakabagong survey ng MBC-DZRH sa Region X.
Batay sa isinagawang survey mula Marso 8 hanggang 10, 2025, lumalakas ang suporta kay Marcoleta na ngayon ay may 43.9% na rating. Patuloy na nangunguna sa listahan si Bong Go na may 81.0%, kasunod si Bato Dela Rosa na may 79.5%, at nasa ikatlong pwesto si Philip Salvador na may 46.4%.
Samantala, nasa ikalimang puwesto si Manny Pacquiao (41.6%), sinundan ni Jimmy Bondoc (40.1%), Erwin Tulfo (37.8%), Willie Revillame (37.6%), Raul Lambino (37.2%), at Lito Lapid (35.7%). Pasok rin sa nangungunang labindalawa sina Camille Villar (35.6%) at Bienvenido Tulfo (29.7%).
Ang nasabing survey ay isinagawa sa buong bansa na may margin of error na 1.13%.
Ipinapakita ng resulta na patuloy ang paglakas ng kampanya ni Marcoleta, lalo na sa Region X, habang papalapit ang eleksyon. (Latigo Reportorial Team)